مقتنياتي الزجاجية

السلام عليكم …
كثرت الاسئلة عن جارات السموثي وقارورة المويه يلى استخدمهم وجمعتها في صوره وحطيتها في
واحد من الهشتاقات حقوني لكن مافي احد يبغا يدور …
ححط معلوماتها هنا عشان تفضل مرجع ..
حبيت اقول انا من جدة يعني بس اعرف اماكن الشراء في جدة باقي المدن الله اعلم..
بسم الله نبدأ..

اول حاجه قوارير المويه voss 
من مانويل مالقيتها في الدانوب وبنات الرياض على حسب الكومنتات تلاقوها في التميمي في بلاستيك وقزاز انا جبت
القزاز عشان اعاده التعبئة..
الكبيره ٨٠٠ مل والصغيره ٣٧٥ مل الاسعار مو فاكرتها بس اقول من ٢٥ ريال وأقل وسعتها ل٢٥ بس افتكر اقل من ٢٠

جار السموثي mason jar يلي من غير يد من ساكو اشتريتها قبل عشره شهور كرتون نسيت كم حبه فيه ب ٤٤ ريال ونص

دا الجار يلي بيد من pottry barn في ردسي مول الوحده اظن ب٢٥ ريال اشتريتها قبل خمسه شهور تقريبا


في النهايه معليش مو حافظه الاسعار بالضبط لانها من فتره عندي والذاكره الله يرحم بحالها … ويارب لك الحمد

عائلتي الكهربائية

السلام عليكم …

كيفكم بعد رمضان والعيد إن شاء الله تمام .. سبحان الله الأيام تجري سريع الله يعدهم علينا واحنا بصحه 

وسلامه ورخاء..

قلت اكتب تدوينه عن الخلاطات يلي استخدمها عشان تكون مرجع لكم ..

نبدأ بسم الله وعلى بركة الله…

اول واحد من اليسار ال blendtec 

جاني هديه من بابا الله يشافيه ويعافيه طلبناه من امازون ب١٤٢٥ ريال تقريبا

يجي معاه كتاب للوصفات انا اشتريت جار اضافي عريض ب٣٧٥

الخلاط يلي عجبني فيه تقدري تستخدميه يدوي وتقدري اوتماتيك بالازارير يلي فيه

زي ماقلت تقدري انت تحطي الوقت يلي تبغيه والقوه او تستخدمي الازارير الموجوده هيا محدده المده 

والقوه ..

الازارير الموجودة:

سموثي،للعصير، صوص وتغميسات ، شربه ، ثلج مجروش  وملك شيك، ايسكريم وزبادي مجمد

والشاشه تطلع الوقت و عدد استخدامك للخلاط ..

الخلاط دا يعتبر واحد من اقوى الخلاطات في السوق كم مرا شفتو في كافيهات ومطاعم عندنا..

العيب الوحيد كهربتو ١١٠ انا عندي في البيت بس اغلب الناس يقولو ما عندهم..

الواط حقو ١٥٠٠ واط..

في النهايه دا الخلاط زي اولادي اخاف عليه واهتم فيه جدا رهيب ماشاء الله مايخلي السموثي ثقيل

وما يحتاج تقطعي الاشياء لقطع صغيره..

رابط الخلاط:-

http://www.amazon.com/Blendtec-TB-621-20-Total-Blender-Black/dp/B000GIGZXM/ref=sr_1_1?ie=UTF8&qid=1407177350&sr=8-1&keywords=blendtec&dpPl=1

رابط الجار العريض :-

http://www.amazon.com/Blendtec-40-615-50-WildSide-Jar/dp/B0033WTB3O/ref=sr_1_sc_1?ie=UTF8&qid=1407179445&sr=8-1-spell&keywords=wildsade+jar

الخلاط التاني ال nutribullet

دا الخلاط فزت فيه في مسابقه اشتركت فيها عن السموثي والشكر للمتابعين ربي

 يحقق احلامكم ويفرح قلبكم..ويعطيكم حتى يرضيكم …

عملي وخفيف احب اخدو معايا لطلعات الدرة او في سفره طويله..

الكاسه يلي تخلطي فيها تشربي منها..

يجي معاه ٣ كاسات وشفرتين وغطا..

الواط حقو ٦٠٠ واط..

لازم تقطعي الاشياء قطع صغيره..ويخلط ثلج..

الرابط في امازون: ب ٣٣٤ ريال

http://www.amazon.com/Bullet-NutriBullet-12-Piece-Hi-Speed-Blender/dp/B007TIE0GQ/ref=sr_1_1?ie=UTF8&qid=1407179640&sr=8-1&keywords=nutribullet&dpPl=1

اخر حاجه… من kenoowd :-

موجود في الدانوب ومانويل ب٦١٩ ريال ..

استخدم المطحنه وعصاره العصير .. ومعاه خلاط وحقت عصير البرتقال و٣ شفرات وللكيك وخلاط

الواط ٧٥٠ واط نص الblendtec ..

في النهايه من تجربتي لازم يكون الواط حق الخلاط ٦٠٠ وطالع ..

وربي يدمها نعمه ويحفظها من الزوال ويجعلنا من الشاكرين ..