السلام عليكم …
رجعتلكم بتجربتي مع الشاي حق الديتوكس
اشتريتو من هنا
عاده ما اجرب اشياء زي كدا بس اتحمست بعد ما قرأت انو مكوناتو طبيعيه ..
في نوعين نظام ال١٤ يوم << انا جربتو بس اشتريت حق ٢٨ يوم عشان زوجي حيستخدم معايا
فيتقسم بيننا احنا الإثنين …
استخدمتو بعد رجعتي من دبي عشان ارجع لنظامي الصحي بعد اربعه ايام من التخبيص الخفيف..
طيب الشاي يجي منو شي للنهار وشي لليل …
حق النهار يجي يا ١٤ كيس او ٢٨ كيس
المكونات…
شاي الاسود الصيني، وفي كم نبته ما عرفت ترجمتها ، زنجيل،بذور الشمر، اعشاب الليمون ،هندباء
شاي الليل في نظام ال١٤ يوم بس في ٧ اكياس .. ونظام ال٢٨ يوم في ١٤ كيس
يعني تشربيه يوم ايوا ويوم لا…
اوراق السنا مكي ، اوراق النعناع، بذور الحلبة، جذور عرق السوس، الزعرور البري، واشياء ثانيه
المهم حق الليل يمشي البطن يعني لما تصحي حتدخلي الحمام…
تجربتي…
كثير قالو انو في حق النهار في نسبة كافين عالية وماينفع ماشفت دا الشي يلي في نسبه كافين بسيطة
ويقولو يعطيكي طاقة صراحه ما شفت انو اعطاني طاقة… شاي النهار ما احس استفدت منو في شي..
شاي الليل يقولو في ريحه مو حلوه يعني على خقيف بس ما تعمل مشكلة ولا في طعم مو حلو
شاي الليل ريح بطني مره…
انا استخدمت الشاي مع اكل صحي ورياضة و ما اكلت لحوم حمرا معاه صراحه ما نزل وزني بس الملاحظة
الوحيدة انو بطني كانت مره خفيفه و مرتاحه لانو ساعات انا يكون عندي انتفاخ مو كرشه يتعب بطني
وتفضل منفوخه الين ما ادخل وانتو بكرامه الحمام الشاي ريحني من دي النقطة..
وفي ناس حذرو من انو يسبب جفاف لانو يسحب المويه من الجسم انا زدت شرب مويه معاه فالحمد لله ما عنيت
في النهايه كل جسم يختلف عن الثاني .. وهادي نتايجي …
وشكرا ل yb.park على الهديه عجبتني صراحه
كريم لليد بزيت الارغان المغربي وزبدة الشيا العضويه..
معالج للشعر بزيت الارغان المغربي ...
ليست هناك تعليقات:
إرسال تعليق