السلام عليكم لاحظت كثير منكم يشوف اولادي منتظمين في الاكل
ترا أولادي حال اولادكم متعبينني ومرا يكملو اكلهم ومرا لا ومرا ماياكلو المهم الله يعيننا على تربيتهم.
حبيت اقول يلي عندها اطفال من ٦ شهور ل٣ سنين هادي فرصتها تعودهم على الاكل الصحي.
مثلا اكلوهم الخضار اكثر من الفواكه الين يستسيغو طعمها لانهم اذا اكلو الفواكه اكثر حتعجبهم .
الله يخليكم بلاش مشروبات غازيه والله حرام بلاش حلويات ملونه وشبسات ترا احنا بنحدد طريقه غذائهم.
المهم انا بتعب جدا وبالذات بنتي لحد دحين الموز والطماطم ما تدخلهم في فمها ابدا وبحاول اخفيهم في الاكل
مرا تمشي ومرا تنتبه بس احنا لازم نتعب لانو الدنيا مافيها شي يجي بالساهل وربي يكتبلنا الاجر.
المهم لما بدأت دا النظام من ٩ شهور صار مافي شي يدخل في البيت مو صحي فما يقدرو ياخدو شي
واذا ما اكلو وجبتهم مافي قدامهم غير فاكهه او عيش قمح كامل ولبنه المهم بما انهم اطفال ويتعرضو
لمغريات في المدرسه اتفقت معاهم يوم في الاسبوع ياخدو مصروف ويشترو واحطلهم معاها فاكهه
وفي الويك اند ياكلو شبس بس مو اكثر من ٢ بحكم حيلاقو في بيت جدتهم ويلي اكل وجبتو طول الاسبوع
يختار المطعم يلي يبغا ياكل فيه هادا طريقه تحمسهم شويه
طريقه تانيه جبت بوستر وعلقتو بين المطبخ عن الاكل الصحي وايش لازم صحنهم يكون في اكل
وحطيت ورقه فيها الايام ويلي ياكل وجباتو يحط وجه فرحان ويلي مايكل وجه زعلان ويلي نص نص وجه
شبه فرحان ونهايه الاسبوع يلي كلو وجه فرحان هديه كبيره شويه والا نص نص متوسطه ويلي زعلان هارد لك.
الاطفال يبغالهم تشجيع وقدوه مو تقوليلهم هادا بطال ويشوفيكي تاكليه يبغالهم اشياء ملموسه عشان يتعلمو
اوريهم اثار اكل الحلويات والشبسات اوريهم اسنان مسوسه ناس جسمها تعبان ناس وزنهم فوق المعدل الطبيعي
لاكن من غير ترقيه اعلمهم يقولو الحمد لله الذي عافانا مما ابتلاهم به وفضلنا على كثير ممن خلق تفضيلا
ليست هناك تعليقات:
إرسال تعليق