السلام عليكم ورحمه الله وبركاته..
جبتلكم طريقه نوتيلا صحيه من اختراعي …
احكيكم اول كيف جاتني اللمبه عارفينها يلي تطلع في افلام الكرتون لما تجي لاحد فكره
قبل ٤ ايام نزلت صوره زبده البندق عضويه وصحيه في الانستقرام جبتها من مانويل …
بعدين قاعده اتفرج على التلفزيون وجا اعلان النوتيلا..
وعلى طول قلت النوتلا عباره عن بندق وشوكلا .. غير كميه السكر الكبيرة الشريره<<<< بس احبها من فتره لفتره المهم شمرت عن ساعدي<<<ههههههه
ودخلت المطبخ..
يلا نبدأ..
المقادير:-
١- زبدة البندق عضويه وخاليه من غير اي اضافات
ماعندك مو مشكله نفس طريقه زبده اللوز يلي عملتها تقدري تعملي البندق والبينت
٢- شوكلا انا استخدمت هيرشيز شبه حلوه يعني السكر فيها اقل من العاديه عشان الاولاد
اذا تبغي ١٠٠٪ صحي جربي حطي دارك شوكلت ..
٣- ملعقتين اكل ستيفا وشوية ملح البحر..
الطريقه جدا بسيطه..
حطيت زبده البندق١٧٠ مل العلبه في المطحنه عشان هيا كرنشي وابغا تصير ناعمه
بعد ما صارت ناعمه
حطيت كوب من الشوكلا وسيحتها في الماكرويف
وضفتها مع الستيفا وملح البحر لزبده البندق..
وخلاص خلصنا حطيتها في جار
وبالعافية…
ملاحظه انا عملت كميتين …
اتمني تكونو استفدتو…
ليست هناك تعليقات:
إرسال تعليق